Rojhelatê Mîyanênî de na seserre de hemsencîyanê hêzan de bedilîyayîşê tarîxî qewimîyenê. Şaro kurdo ke her demê tarîxî de raştê polîtîkayanê înkarî ameyo, ewro wareyê awankerdişê ameyox û pawitişê destkewteyanê xo de îmkananê tarîxî ciwîyeno. Qewimîyayîşê ke ewro Rojhelatê Mîyanênî de peyda benê, nîşan danê ke wa şaro kurd yewîya xo awan bikero û hêzê xo bi hawayêkê hemparî gird bikero.

Yewîya ke do mîyanê kurdan de bêro awankerdene, têna yewîya hêzî nîya, eynî dem de do bêro manaya awankerdişê ameyox, kultur û tarîxê hemparî. Ronayîşê yewîya kurdan têna sîyasî nê, heman wext de mesuldarîya kulturî û komelkî ya. 

Ganî hêzê kurdan pîya têbigêrê. No do hem yewîya kurdan hêzdar bikero hem zî seba şaranê herême berê cuya hempare abikero. Na çarçewa de ma sey DBPyî pêvînayîşo ke vizêr Kurdîstanê Başûrî de mîyanê qewetanê kurdan de pê ameyo, tewr muhîm û qedrberz vînenê.

Nê warî de hêvîya ma wina ya ke; wa bi ruhê yewîya neteweyî vera ameyoxê hemparî hêzê kurdan mabênê xo de gamanê qewetinan bierzê û seba welat û Rojhelatê Mîyanênî yê têduşt, azad û demokatîkî bingeyan bierzê.

Partîya Herêmanê Demokratîkan